2009 шықәса алагамҭа инаркны нанҳәа 1 2009 шықәса аҭагылазаашьала Аҧсны абанкқәа рахь иаланагалеит 5622,7 млн. мааҭ РФ; 26,5 млн. США адол.; 3,8 млн. евро. РФ амааҭқәа рыла иаланагало ахәҭаа хада иартәоит 42,3%; ауааҧсыра ирзынарыгӡо зыхә ршәо амаҵзурақәа рыҟнытә – 6,6%; ахазхаҿқәа аинвалиута раархәара аҟнытә ааимҭақәа – 5,3 %; ашәахтәқәа абаџьқәа реизгара, ахәҭалагалақәа, астрахтә хшәаатәқәа рыҟнытә ааимҭақәа – 5 %. Ааимҭақәа рыхәҭаа аҕьырак – 9% - абанктә егьырҭ зныктәи аоперациақәа рыҟнытә ааимҭақәа идыртәоит: ахазхаҿқәа рыҟнытә аҧҟаҧҵәатә фондқәа рахь аҧҵаҩцәа рыхәҭалагалақәа, аҳасабрбара зыхәҭоу рҧареицҵақәа, аамҭалатәи афинанстә цхыраара аҟнытә уб.иҵ.
Ҵыҧхтәи ашықәс иахьатәи аамҭа иаҿырҧшны, иҟоу ааимҭақәа реизҳара атемп РФ амааҭқәа рыла иартәеит – 96%, США адолларқәа рыла – 71,3%, евроқәа рыла – 195%.
Сынтәатәи ашықәс азы 7 мзы рыла абанкқәа ркассақәа рыҟнытә ирыҭоуп 5305,9 млн. мааҭ РФ; 26,5 млн. дол. США, 3,6 млн. евро. Иҟоу ахархәагақәа мааҭла ирырҭоит еиҳараӡак: ауалафаху азы – 23,1%; анаплакқәа атауар-материалтә малқәеи абылтәы-хьшьтәы материалқәеи раахәаразы – 15%; атәанчаҩхәқәеи, ацхыраагӡақәеи, астрахтә хшәаатәқәеи рзы – 13,6%; ахазхаҿқәа рыҟнытә аинвалиута аахәаразы ироуа азы – 5,2%; ахазхаҿқәа акредитқәа ирырҭо азы– 5,9%. Егьырҭ ахықәкқәа рзы ирырҭо азеиҧш ныхрақәа идыртәоит– 19,2%, уахьиаҵанакуеит: ашәахтәқәа рырхынҳәра, апаитә хәҭалагалақәа, аамҭалатәи афинанстә цхыраара, аҧҟаҧҵәатә капитал ахь ахәҭалагалақәа уб.иҵ.
|
